مجلة قوافي الشعر - قصيدة : من أدم وحوا - لصائغ القوافي الشاعر / فهد بن عبدالله الصويغ

(((( من أدم وحوا ))))



لحظة من فضلك يا خويا
إنت من فضل أمي و أبويا
دمك دمي داخل عروقي بيجري
لحمك لحمي و قدرك بقدري
ليه تموتني وثاري يموتك
ليه تضربني وأرجع أضربك
إحنا إخوة من زمااااان وأهل
ولا ينقصنا بدنيتنا غير عقل
حتى لو كان دينك غير ديني
ولا يقينك كمان غير يقيني
نتفق أبويا وأبوك يابشر أدم
وحوا أمنا كلنا بذا العالم
دمنا ولحمنا وإلهنا كمان واحد
وعن بعضنا خلانا نتباعد
أنا بشر وإنت من نفس البشر
مين فرق بيننا وخلانا خطر
عشان مين نحارب و نتقاتل
وأصلنا واحد وبالغرور نتعامل
فكر وركز كده وأتمعن بإمعان
راح تتأكد إنه عدوا شيطان
كل الفساد في الأرض افعاله
دمر الكون وغير من جماله
حيفضل يخرب وإنت حواليه
شيطان لعين الله أكبر عليه
جهنم تنتظر بالأشواق قدومه
ومعاه أهله وأحبابه وظلومه
إنتبه من يومة هو عدوك
وهو سبب ضعفك وسبب غلبك
عدوك من الجنة بيحاربك
نزلك منها وحالف ماهو سايبك
ركز شوية و خذ وقتك و فكر
ليه دايمآ بيخليك متغير
يزود عليك الحمل والهموم
يزرع في نفسك غل وسموم
طول يومه بيحاربك بوسواس
عاملك شر وعداوة الناس
يتمنى لك ألوان العذاب
وخلى الجنه بالنسبالك سراب
إستعذ بالله وإبتعد عنه
إنت أفضل وخير منه
تذكر إني أخوك إبن أمك أبوك
إسمعني وخلي الناس يحبوك
سبب الفساد الحسد والإحتكار
كلمه بسيطة بكل إختصار
الدنيا مليانه كلها خيرات
تعيشنا آلاف آلاف المرات
صار فيه بسببه فقير وغني
والسبب إحتكار لعين غبي
سبب الجوع والغش الفقر
زود الطمع وزاد القهر
إعقل وفكر كده بهدوء
تلقى الشيطان قدامك سوء
قسمنا وخلانا أشكال وأجناس
ولكل واحد فينا وسواس
خلى قرارك عكس أحبابك
تخالف تشوف مين أصحابك
حط في دماغك الكبر الكرامة
والكره والبغض عشان الزعامة
زرع في نفسك التمرد
نساك كلمة معناها تجرد
خلى التمرد طبع في صفاتك
غير أفكارك غير حياتك
خلاك عظيم قائد بصولجان
تهين الفقير وتكسر الغلبان
تقتل تذبح عشان المال
رملت زوجات يتمت عيال
شوفت وداك فين إبليس
بكل المذاهب والأديان خسيس
إرجع وفكر نفسك من تكون
مجرد إنسان نطفة في الكون
أولاد أدم وأمنا بالكون حوا
دمنا واحد ولحمنا منه أتسوا




صائغ القوافي الشاعر
فهد بن عبدالله الصويغ
10-10-2015