(((( مغرور بحالك ))))
لا كنت مغرور و شايف حالك
الكبرياء عندي يحرق قلوب
مسكين لا تصورت يوم بخيالك
إني أذوب فيك ذوب
خلك في غرورك راس مالك
توني أتذكر إسمك يادوب
ما علي فيك ولا هزني جمالك
ملوك الجمال يملون الدروب
لا كنت تعتقد الجمال لحالك
غلطان تراه قدر الذنوب
ولا كنت شايف حالك بمالك
تراك وسط الأثرياء يعسوب
الكبرياء فيني يهز جبالك
يجعل المغرور قدامي مكروب
تراك مغرور عشان طلبت وصالك
لا يا سيدي عن الذنب أتوب
ما عاد فيني أجادل أمثالك
طريق الغرام يحتاج هبوب
هبوب العشق ماهي اللي ببالك
وعندي جمالك غير محسوب
من الحسن شوي ربي عطالك
شفت حالك وتبي تسكر إدروب
مسكين عايش بوهم سريالك
ترسم و رسمك غير مرغوب
ياصغير السن اللي قريته بزمانك
كاتبه بيدي و أوزعة مكتوب
صائغ القوافي الشاعر
فهد بن عبدالله الصويغ
10-11-2015