(((( لا تتركيني ))))
لا تتركيني للحين ما تعودت الغياب
سنين يا نظر عيني وحنا قراب
بعد سنين العمر تبعدي و تخليني
ويش بقى من العمر غير السراب
أشتقت لك و إنتي توك تفارقيني
وتذكرت أيامنا أيام الشباب
إشلون كنت بضحكتك تعانديني
وإشلون كنت حولك دوم هراب
بعد سنين العمر تركتيني
أعاني الوحده و مالي أقراب
مشكورة قدر ما عمرك عطيتيني
الوداع يا حب وأهلآ يا عذاب
تذكري العطر اللي هديتيني
اليوم أشمه و إنتي تحت التراب
ببعدك يا حياتي اليوم خدعتيني
كان العهد ما نفترق ليوم الحساب
بعدك يا شمس عيني و جبيني
خلاني غريب وسط الأصحاب
رحلتي قبل لا تودعيني
ولا كأننا كنا بيوم أحباب
رحلتي عن دنيتي وشليتي يميني
ودمع العين روى الأرض والسحاب
ما كان العشم في يوم تبعديني
وأعيش من غيرك مثل الأغراب
ربي يرحمك و نلتقي يوم يقيني
ويومها نفتح أنا وإنتي دفتر عتاب
أعرف يا عمري تقدري تغلبيني
لكن المهم نرجع تاني قراب
صائغ القوافي الشاعر
فهد بن عبدالله الصويغ
18-11-2015