((( ودي أسألك )))
ودي أسألك إشلون تعرف تنام
وإشلون تقدر وإنت بعيد عني
يا صاحبي العاشق مايهنى بالأحلام
طول ليله إنتظار ووله وتمني
عمره مايلقى بليله لحظة سلام
ولا يغفى ألين يبات سعيد ومتهني
غريب أمرك تعشق وتقدر تنام
أسمحلي ياصاحبي حبك تجني
أنا أعد النجوم و أعلقها وسام
وإنت نايم وغرامك بقلبي شاغلني
تقول بتحبني وطايح فيني كلام
كأنك تجاري فيني حسن ظني
عجيب أمرك تدعي بقربي الغرام
وإنت بعيد ماخطرلك يوم تكلمني
يا صاحبي لا تدعي و تقول هيام
هيامك كله ماقد يوم وصلني
نام ياقليبي وكل رز مع الحمام
يكفيني يا حبيبي إنك بعد فاكرني
من يوم عشقتك خاويت الظلام
ونجوم الكون تعرف منهوا فاتني
ربي يحفظك لي على مدى الأيام
تتذكر حبيبك يوم وتيجي تقابلني
ترى حبك بقلبي ماهو أبد أوهام
حبك ياصاحبي ملك القلب وحيرني
fahad alsuwaigh
26-5-2015