مجلة قوافي الشعر - قصيدة : الدمع يبكيك - لصائغ القوافي الشاعر / فهد بن عبدالله الصويغ

((((   الدمع  يبكيك  ))))



ما عاد   فيني   دمع    أبكي   عليك
من  فرقتك   غابت  السعادة   وياك
كان  الزمان   يفرحني  قرب  عينيك
اليوم  غاب   عني   الفرح   و ضياك
عديت نجوم  الكون   يمكن  الاقيك
نزلت   دمعة   قمر    تبكي    فرقاك
ما هقيت   الحياة    تقدر   تجافيك
و تبعدك    عني   و تختفي    دنياك
من غبت و دنيتي كل لحظة تناديك
يمكن  بعد  أمل  ضايع   بيوم  ألقاك
ناح الحمام والطير  بصوته  يناجيك
ياشين دنيتي من بعد غيبت محياك

كنت الأمل  لا ضاعت  مني خطوتي
وكنت الزمان لا قدرت أكسب رضاك
جفاني الكون  وجافتني  كل  دنيتي
يوم عرفت إن  الفراق  كان  مسراك
كنت  لي كل السعادة و عطر  جنتي
واليوم أشوف الهم  غزاني  بممشاك
ليتك  ترد   و لو   ساعة    لصحبتي
أعيش لحظاتي قربك  أتهنى  بهواك
لكن خسارة  ضاعت  عندك  مودتي
ساعة رحلت وتركتني  أذوق  جفاك
خلفت  عهدك   و إبتعدت  خالفتني
تركت الدنيا لوحدك ورحلت لسماك







صائغ القوافي الشاعر
فهد بن عبدالله الصويغ
16-12-2015