مجلة قوافي الشعر - كلمات غنائية : لسه الأمل - لصائغ القوافي الشاعر / فهد بن عبدالله الصويغ

((((  لسه الأمل  ))))



بلاش تزعل  مني  وتخاصمني
وما تبعدش   عني   وتحرمني
حرام   تبعد   عن  قلبي  حرام
ومايبقاش  بينا   وصل  وكلام
هو   الهجر  مش  صعب  عندك
ولا   تكون     فاكرني   بأعندك
دي هفوة  و كانت  غصب  عني
متبقاش      قاسي    و تظلمني
فكر      فيا      بقلبك     شوية
قبل  ما تحكم  و تقسى    عليا
ماتبقاش        إنت     و الزمان
وإفتكر    الحب     اللي     كان
ياما    كانت    قلوبنا    بتدوب
بكلمة  حلوة   وغنوة   محبوب
مين     اللي     غيرك    وقساك
وأنا   قلبي    عمره    ما ينساك
ياريت    تقولي    جرالك    إيه
بقيت     بتقسى      عليا     ليه
راح   فين   الحب   مبينا   فين
ياما    حلفوا    بينا    العاشقين
كان     القمر      بيسهر    معانا
والنجوم       بترقص       ويانا
البحر  كان   ياخدنا     بأحضانه
وطير   السما    يرفرف   بألوانه
أيامنا    كانت    ولا      الأحلام
كانت   حب    و شوق   و غرام
زي    النهارده     كنا    عاشقين
وكان     القمر     منور     قلبين
قلبي اللي حبك  عمره    ما تاب
وقلبك     اللي     بحبي     داب
تعالى    تاني     نرجع      حبنا
لسه    الأمل    عايش      بقلبنا
بالحب  يا قلبي    نرجع  الزمان
وننسى   البعد    ويا    الهجران
نعيش  بقلوبنا   فوق   السحاب
ونقول    للهجر    القلب     تاب
نخلي   النجوم    تفرح     ويانا
وطيور    السما    تغني     غنانا




صائغ القوافي الشاعر
فهد بن عبدالله الصويغ
18-12-2015