(((( أعتذر لقلبي ))))
كداب و بإسم الحب بتخدعني
ياما صدقتك و بقيت تلاويعني
كنت شيفاك ملاك قدامي
طلعت بتفكر في نفسك يا أناني
قسيت من حبك كتير
وعشانك إنت بقيت بغير
إتغيرت عشان أرضيك
وبرضه الحب مافدش فيك
كنت بقول يمكن تتغير
وأيام بتجري و قلبي بيتحير
كان حبي عندك لعب و تسالي
وظلم قلبك ما خطرش فبالي
مالقيتش بقربك لحظة سلام
ودمع عينيا كان بدل الكلام
كانت قسوتك مالهاش حدود
مسحت محبتك من الوجود
إنسى القلب اللي يوم حبك
كره الحب عشان خاطرك
دور على غيري تضحك عليه
قلب جديد ماشفش اللي انا فيه
تقدر تخدعة زي مخدعتني
عشان توجعة زي موجعتني
ما تجيبش سيرت الحب تاني
ولو بقيت العمر تترجاني
لا دموع عينيك حتخليني أنسى
ولا حتكون في يوم ليا مرسى
شكرآ لكدبك و قسوة قلبك
وأعتذر لقلبي إني كنت بحبك
صائغ القوافي الشاعر
فهد بن عبدالله الصويغ
18-12-2015