(((( صعبت عليا ))))
حقيقي صعبت عليا
و الدمعة فرت من عينيا
قلت بتحبني قلت
طب إحلف كمان شويه
ما كفاية كدب و خداع
وكلام عاملي صداع
لا حبيت ولا عمرك كنت
والدنيا وياك ضياع
صعبة أوي حالتك
ما تقولي إيه حكايتك
كم مره فيها خنت
و كانت ايه رسالتك
صعبت عليا بجد
والدمعة بقت ع الخد
بتقول ليا عشقت
طب سد يا خويا سد
عمر اللي زيك ما يتوب
وفاكر إنه مغلوب
ياعيني يمكن إتحسدت
و كلك مليان عيوب
عايزنا نرجع تاني
صحيح غدار و أناني
من حبك أنا ندمت
ياريت بقى تنساني
ماليش ف الطيب نصيب
يابو حب كان عجيب
من حبك إنطحنت
و بقول كلام غريب
يا سيدي إمسحها فيا
وخلي المرادي عليا
إنساني و قول غدرت
وكفاية اللي بيا
إبعد مش ناقصة هموم
الحب عندك لوم
إعتبرني إتجننت
و المجنون مش معصوم
كفاية دموع و أهات
وبطل كده حركات
بقولك خلاص فهمت
واللي مابينا مات
مش حقولك غير كفاية
وقفلت خلاص الرواية
كفاية إني إتخدعت
وبلاش تعيدها معاية
صائغ القوافي الشاعر
فهد بن عبدالله الصويغ
24-12-2015
الرئيسية 
موضوع: مجلة قوافي الشعر - كلمات غنائية : صعبت عليا - لصائغ القوافي الشاعر / فهد بن عبدالله الصويغ 
