(((( ملاك الكون ))))
إنت يا عمري من تكون ملاك ولا بشر
ما أظن هذه العيون يملكها بدوآ أو حضر
طيفك ملا هالكون و نسيمك علينا أنتشر
بحسنك ياسيدي مفتون كل من لفانا وحضر
سحرتني بسود الجفون وبسواد ليل الشعر
بالشهد يا عمري معجون ولا بأنوار القمر
الحياة عندي تهون ولا يشبع منك النظر
رمشك حسام مسنون وضربتة تقص الظهر
الجسم عود مدهون و عطرك فاق العطر
يا سيدي أرجوك إشلون تمشي بلا خفر
أصبت الخلايق بجنون ولمسة يمينك سحر
كل شيئ بك موزون و كل شيئ فيك بقدر
صوتك لقلبي ملحون و رمشك لروحي وتر
مثلك الخلايق يحبون و بمثلك يتفتح الزهر
يا ملاك عمري عربون و محبتك إنت فخر
إنت على العمر تمون وبلمستك يحلى البحر
حسنك حسن مخزون غير براسي الصور
حبني و انا لك ممنون و عطني منك الخبر
سبحان خالقك يا حنون و خلاك بالدنيا بدر
خبرني يا ضياء الكون إنت ملاك ولا بشر
صائغ القوافي الشاعر
فهد بن عبدالله الصويغ
25-12-2015