رسالة عاشق ... صائغ القوافي الشاعر د / فهد بن عبدالله الصويغ

((( رسالة عاشق )))



ودي أقول أحبك وخجلان
ودي أقرب منك وحيران
جمالك حيرني وتعب قلبي
خلاني بحيره غصب عني
صدق من قال الحب عذاب
أوله خوف وأخره إكتئاب
نفسي أكون قربك وأتهنى
أخلي قلبي قلبك أتمنى
أحطك مابين عيوني وحدك
ولا يكون بيها قبلك وبعدك
خايف أقول كلمة أحبك
خايف يصدني صوت قلبك
أخاف أجيك بقلبي تصديني
ولو صارت منك قتلتيني
محتار كيف أبتدي الحب
وأنا صغير بأول الدرب
عجزت أدور عن حلول
واللي أسأله قال مشغول
ليتك تحسين فيني شوي
تسهلين الوصل شوي علي
تعبت من التفكير بجمالك
أخاف أموت قبل وصالك
هذه رسالتي أمانة عندك
ليتك تقبلينها بطيب طبعك
أحتاج حبك ومحتاج أكون
مالك قلبي وحدي بالكون
لو ماعجبك كلامي سامحيني
ولو عجبك أرجوك ريحيني
نظرة عيونك تشقني شق
يا قمر ليتك لقلبي ترق



صائغ القوافي الشاعر
فهد بن عبدالله الصويغ
31-5-2015