مجلة قوافي الشعر - قصيدة : خاف ربك - لصائغ القوافي الشاعر / فهد بن عبدالله الصويغ

((((   خاف ربك   ))))


يا قلب قاسي  إشلون  أرضيك
تعبت قلبي   وإتعبتني   لياليك
منك    صرت     دوم     أقاسي
من غبت  و غابت  عني  عينيك
شربتني    في    المر     كاسي
تعبتني       و أنا         مراعيك
خليتني دايم   حبيس  أنفاسي
ليه     بس     تبيني     أعاديك
نقلت   لك   جميل    إحساسي
وحطيت روحي   بين   إيديك
ليه   ياقلبي    تكون      قاسي
وأنا    طول    عمري   مجاريك
أجاري   فعلك   لأنك   أساسي
وأساس   قلبي   حب   معاليك
دايم    مكانك    فوق    راسي
ليه    بالدمع     اليوم    أناديك
ليه تكبر علي  و تصير  عاصي
وأنا بروحي وما  أملك  أفديك
كثرت بغيبتك ياقلب وسواسي
ضيعتني  ولا   أعرف  أراضيك
كنت  واقف   بمركبك   وراسي
لا  يكون   لك   غيري   شريك
ما عهدت بيك أسلوب خناسي
لكن  الوسواس   شككني  بيك
طول  الغياب  ذبحني  بفاسي
لو   دريت   ما كنت    موديك
على شط البحر  مالي  كراسي
ضاقت بيا الدنيا و أنا  أشكيك
إنت    يا قلبي   أعز   جلاسي
خاف ربك  و إرجع    لماضيك




صائغ القوافي الشاعر
فهد بن عبدالله الصويغ
23-11-2015