(((( منت بشر ))))
أول مره أشوف الغدر بعينك
يوم وقفت تحاول تختلق أعذار
جاني إحساس أدورك فينك
مو إنت حبيبي إنت غدار
حبيبي عاشق ما تشبهه عينك
وإنت عينك كلها شرار ونار
حسايف إشلون الخلايق عارفينك
وأنا جهلتك وكنت أكذب الأخبار
حذروني منك ومن تلاوينك
وأنا أدافع عنك ليل و نهار
بعد اللي عملته لك و لسنينك
جاي تألف لي و تقول أشعار
شفتك بعيني حاضنها بيمينك
صدفة خلت دمعي سال أنهار
جرحتني بقلبي و مرتاح ضميرك
ما هقيتك عامل لقلبك أسعار
صابني العمى يوم كنت أنتميلك
واليوم غيرت بدنيتي ذاك المسار
إتضح لي وجهك و جبينك
وظهر غدرك بدون أي إستفسار
طبعك ردي والشين دايم مصيرك
منت بشر ... إنت صنع أحجار
صائغ القوافي الشاعر
فهد بن عبدالله الصويغ
28-11-2015