(((( كنوز الكون ))))
مالكم صالح أبد بقلبي
لو عطيتوني كنوز الكون
أنا العاشق و مختار دربي
أنا المفتون بذيك العيون
لا تدخلوا بيني و بين حبي
تراني بحبه يا ناس مجنون
الهوى لو شمالي أشوفه غربي
تراه على عمري كله يمون
إنتوا عشيرتي وأهلي و ربعي
لكن أتركه أكيد تخسرون
هو شمسي و بليلي شمعي
ليه على فراقنا تدورون
هو روحي و قلبي و نفسي
ما ظنيت لو تحدي تقدرون
بالحياة هو دايم أنسي
وأنا من غيره ما أقدر أكون
بأحلامي يظهر لي يمسي
إشلون أتركه و رمشه بمليون
أعتذر منكم خلوني لنفسي
أنا أبخص باللي إنتم تجهلون
عشقي تراه مستقبلي وأمسي
والجلسه وياه تساوي الكون
صائغ القوافي الشاعر
فهد بن عبدالله الصويغ
28-11-2015