مجلة قوافي الشعر - كلمات غنائية : مين تحب ؟! - لصائغ القوافي الشاعر / فهد بن عبدالله الصويغ

(((( مين تحب .. ؟! ))))





قالوا مين تحب ؟!
قلت حبيت مزيون
خفق له القلب
وعشقت ذيك العيون
البعد عنه صعب
ورماحه حول الجفون
صابني برمحه غصب
وخلاني به مفتون
قالوا قوام تطب
قلت من جهلكم تحكون
سهام عيونه تصب
لحظة ما تلمحون
بعشقه ما ينفع الطب
ولا تنفع كثر الحصون
إن كان حبه ذنب
ربي عالم بالظنون
وإن كان عشقه غلب
فأنا قابل وممنون
صار لقلبي درب
وبيه أعيش مجنون
إن كان مقسوم لي كرب
خلوني فيه محزون
وإن كان هو دوا القلب
خلوني معاه تكفون






صائغ القوافي الشاعر
فهد بن عبدالله الصويغ
27-12-2015