مجلة قوافي الشعر - قصيدة : في عز فرحتي - لصائغ القوافي الشاعر / فهد بن عبد الصويغ - اليتيم

(((( في عز فرحتي ))))

في عز فرحتي وعز الأشواق
صدمتني وطلبت مني الفراق

كانت دمعتي دمعة فرح
نزلت على قلبي إنجرح

على قد ماكنت فرحان بوجودك
صدمتني بردك وتغيير وعودك

كنت معايا بتقضي الساعات
بدون مشاعر و ناسي الذكريات

أيام عشتها وعايز تنساها
خلاص كرهتها ومتذكر أساها

نسيت ضحكنا ولعبنا وفرحتنا
نسيت ومتذكر بس غيرتنا

طب والغيره إيه مش حب
ولا خلاص عندك بقت ذنب

طب كفارة الخطيئة إيه عندك
الذل لا يا روح قلبي .. عندك

أطلع قلبي و أحرقوا بالنار
وأطحنه وأخليه رمل و شرار

ولا أتذل في يوم عشانك
ولا عشان أي مخلوق مكانك

أه ممكن أحاول أصالحك
وأخفف عليك جرحك

لكن مش ممكن أتذل ليك
ولا علشان جمال عينيك

من اللحظة دي طريقنا معكوس
وياما لسه حتشوف دروس

حعلمك درس لا يمكن تنساه
اللي يحبني أحبه وعكسه أنساه

اللي يعشقني يبقي تاج أعليه
وإللي ينساني أسهر دمع لياليه

عيش وكمل كده لعبتك
وريني إزاي ح تتتهنى بدنيتك

صائغ القوافي الشاعر
فهد بن عبدالله الصويغ
29-8-2015