(((( كبرنا إزاي ))))
ايه اللي حصل لنا إمتى كبرنا
راحت فين طفولتنا و شبابنا
فين حضن ماما و بابا فين
فين لعبنا و شقاوتنا فين
كبرنا إزاي و مخدناش بالنا
إزاي عمرنا عدى و إتغير حالنا
كنا بنلعب ونتنطنط من يومين
إزاي خدت من عمرنا سنين
كانت الضحكة بتفرح قلبنا
والكلمة الحلوة هي حبنا
مانعرفش في دنيتنا أيها هم
يوم مانزعل كانت تراضينا الأم
بحلاوة عسلية أوفسحة جميلة
وكانت حوالينا قلوب العيلة
كنا فرحانين دايمآ بالناس
وكل واحد فينا مليان إحساس
حلاوتنا كانت في لمة أهلنا
نجري و نلعب و لا عمره يهمنا
نكسر ندشدش كنا بننضرب
حتى ضربنا كان برضه بيتلعب
كبرنا إزاي وإحنا مش عارفين
إزاي شيبنا وجلودنا مكرمشين
ياخسارة يادنيا ضيعتي عمرنا
سرقتي أيامنا و خونتي حلمنا
طب كبرنا ماشي ماشي كبرنا
راحت فين ضحكتنا و أحلامنا
ليه بقينا من الدنيا كده خايفين
ليه بقينا عايشين من غير حنين
كبرنا إزاي و إتملينا خوف ليه
هو أيه اللي جرالنا حصلنا إيه
عمر عقولنا ما غابت يوم عننا
لكن كنا مغيبين دايمآ في لهونا
نسينا إن الدنيا دي مش دايمة
وعلى أرواح حبايبنا عايمة
خدت مننا كل غالي و نفيس
حتى المشاعر و الأحاسيس
ايه اللي حصل لنا إمتى كبرنا
راحت فين طفولتنا و شبابنا
صائغ القوافي الشاعر
فهد بن عبدالله الصويغ
1-11-2015