مجلة قوافي الشعر - قصيدة : لمحت القمر - لصائغ القوافي الشاعر / فهد بن عبدالله الصويغ

((((  لمحت القمر  ))))



وقت   العصاري   قبل  الغروب
لمحت  القمر   بالأرض   يجوب
لا هو  وقت  ظهوره  ولا  زمانه
ويش اللي الخلاه   يغير  مكانه
كان  بالسما  فوق  مكانه  عالي
إشلون صار قدامي  هنا  قبالي
يمشي يتمخطر و يكشح بنوره
هو القمر أعرفه وأعرف  غروره
لا يناظر يمين ولا يناظر  شمال
خطوته موزونه ومشيته جمال
ثوبه   حرير     لبس    الحسان
وخدوده عبير سبحان الرحمان
بمشيته يهز بدال  القلب  قلوب
والكل يتمناه يكون  له محبوب
قمر السما يا خلق  قدامي  عبر
ولا هو  ذاه  مركز  ضياء  القمر
لا  ناظرك  بعينه   ياخدك  معاه
سحرني    بعينه   مشاني  وراه
من زود  إعجابي  بديت  أخاف
أخاف على  نفسي من الإسراف
لقيت   نفسي   بمجرته    ساير
هو  قمر وأنا  نجم  حوله  طاير
لين   توقف  وقال  أ يش  تبي
قلت  ملكتني أبي تلبي  مطلبي
قال  إبتعد   لا   يحرقك   نوري
الاف مثلك ما  تحملوا حضوري
أنا  القمر  و أكيد   آنت   عارف
ومثلي    أكيد   ما كنت  شايف
قلت    تحنن    علي     يا  زين
عطني   فرصة   معاك   يومين
خلني أتعلم من  حسنك  شوي
أذوق   العشق   و  أكون   حي
قال حامض  على  بوزك  تكون
أنا القمر و إنت  بالقمر  مجنون
أجري   يا شاطر  دور  لأقرانك
إنت عاشق  وأنا  دوم سلطانك





صائغ القوافي الشاعر
فهد بن عبدالله الصويغ
21-11-2015