(((( خير حبيبي ))))
خير حبيبي ويش جرالك
ماتشوف شر قول مالك
قلقتني عساك دوم بخير
أشغلتني يازين بكثرة التفكير
مين جنى على الكون وزعلك
إنت الكمال سبحان من كملك
قول و خبرني مين يكون
عمري فداك يا أحلى عيون
لو أنا غلطان يا قلبي أعتذر
ومن دموعك يا عمري أعتبر
لا كنت ولا كان يوم أخدعك
إنت حبيبي و نوري مشعلك
يوم لقيتك لقيت عمري
ياعمري فديتك لخبط أمري
مقدر أزعلك و إنت حياتي
إشلون تبكي و بعدك مماتي
سنين عمري كلها رضاك
واجمل ساعاتي كوني معاك
إنت هنايا وروحي و تكويني
ليه بدمعك يا غرام تكويني
أعتذر لك يا غلاي و ناسي
قتلني دمعك و خنق أنفاسي
أعتذر لك وراسي تحت أمرك
ذاه سيفي وعمري فدا عمرك
صائغ القوافي الشاعر
فهد بن عبدالله الصويغ
25-11-2015