مجلة قوافي الشعر - قصيدة : الثقل صنعة - لصائغ القوافي الشاعر / فهد بن عبدالله الصويغ

(((( الثقل صنعة ))))



لا تغيشم علي و تسوي روحك غشيم
تحبني و تموت فيني و بخيالي تهيم
نظرات عيونك ووقوفك دايم يفضحك
أجل قلي بسمتي بعيونك ليه تفرحك
الثقل صنعة لكن بصنعتك إنت مبتدي
تفضحك عيونك و قلبك يدوي دوي
لايق عليك الخجل وبالحب توك صغير
لا ياخذك العجل وتأخذ كلامي و تطير
تفهم حروفي و معانيها يا قمر زين
الغرام سيف لكنه يا الحبيب بحدين
قبل لا تنزل لميدانه خلك دايم حذر
وتعلم لا جاك القدر يعمى البصر
ترى الحب ما هو لعبة تفرح وتلعبها
الحب إسطوانة غاز و إنت نارك قربها
قبل لا تنزلني بحر الغرام وياك
إنت قد الغرام ولا حتتعبني معاك
تحرر من خوفك و خلي الخجل عنك
قول ويش تبي تراني قلقت منك
لا تغيشم علي و تدعي بالحب جهالة
خلك صريح إن كان تعجبك أحواله
أنطق وقول ما بين شفافك جوهرة
أخلص و طمني خلني أحس بعبورها





صائغ القوافي الشاعر
فهد بن عبدالله الصويغ
29-11-2015