(((( مكنش العشم ))))
مكنش العشم تبيع هوايا
كنت فاكرك إنت ضميري
مكنش العشم بحسبك معايا
طعنتني بأيدك
وكسرت إللي جوايا
جات منك إنت
وأنا إللي واخدك حبيب
ياريتها الف مره
جات من الغريب
كنت فاكرك مش منهم
طلعت منهم قريب
ليه غدرت بيا و كنت دنيتك
ليه قتلت قلبي بعملتك
كل قلبي كان إليك
حتى عمري ما بين إيديك
كنت الجمال في دنيتي
ما تقوليش ضحكوا عليك
ليه تخليهم يشوفوا دمعتي
هو خلاص رخصت بعينيك
مكنش العشم تيجي منك
أنا إللي مقبلتش كلمة عنك
تعمل كده ويايا
تغدر بحبك معايا
ياما الزمان منه بنتعلم
وياما قلوب لسه حتتعلم
كنت فاكرك ملاك غيرهم
إكتشفت إنك بقيت سيدهم
عمري إللي راح
ما حيرجع تاني
وكل الجراح
عشان كنت أناني
أنا سيبت الدنيا
كلها عشانك
وإنت بعتني
وفرحت بزمانك
مكنتش فاكر
جرحك بيوجع
عشان مخطرليش
إنك يوم حتخدع
أدي الزمان وأدي قسمته
وأدي الحب وأدي أخرته
كنت الدنيا
إللي بفرح بيها
وكنت الجنة
إللي عايش فيها
بذنبك إنت
راح دايمآ أعيش
مش حظلم غيرك
الحب بعدك مفيش
القلب خلاص مات و إنتهى
والكلمة الحلوة خلاص قلتها
مكنش العشم بنارك تحرقني
ولا يخطر ببالي يوم تبعني
صائغ القوافي الشاعر
فهد بن عبدالله الصويغ
30-11-2015