(((( عطني الحب ))))
عطني الحب وشوف مني العجب
أبي منك كلمة يا نور الهدب
سمعني صوتك بكلام حب وغزل
متعني بالأشواق و عطني الأمل
خلني أعيش وياك أجمل حياتي
و أحقق بهواك كل أمنياتي
عطرك ملا الكون من جمالك
و سحرك خلا الجمال خيالك
قول أحبك وعلقني في هواك
قول أحبك و عيشني في رضاك
لا تبخل علي تراني عاشق
وفي بحر هواك قلبي غارق
سمعني منك كلمة ترويني
خلي الغرام بيك يشفيني
نسيني دنيتي و عمري قربك
خليني معاك قرب قلبك
مشتاق أنا للحب و الغرام
حرام تحرمني شوقي و الهيام
عطني الحب وخذ عهدي
عطني الأمان ولا تزيد بعدي
يوم أشوفك تفز روحي
يزول همي و تبرى جروحي
سمعني منك كلمة أحبك
وشوف إشلون أصون قلبك
تلاقي عهدي غير العهود
وبالعمر كله عليك أجود
ليتك تحبني مثل ما أحبك
عطني الفرصة أكون جنبك
خلني يا زين بحبي أثبتلك
عطني الفرصة أهيم بسمك
أنا عاشق لكل ما فيك
إنت حياتي وقلبي يبغيك
ممكن تقولها عشان أكون
فوق السحاب وأعلى الكون
صائغ القوافي الشاعر
فهد بن عبدالله الصويغ
30-11-2015