(((( إضحك حبيبي ))))
إضحك حبيبي أسعدني بفرحتك
عيدي ضحكتك و الدنيا فدوتك
تفداك الدنيا لجل بسمة عيونك
وتبقى بعرشك معتلي حصونك
هذا القمر يا عمري بيمناك
وقلبي يتمنى فرحتك و هناك
لا تخبي البسمة مابين الشفايف
خلك عن الكون مخالف
تسعدني نظرتك ورعشة الأهداب
تملكني ضحكتك من غير أسباب
يموت القلب لا طال الزعل
يشتعل نار و يلازمة الملل
ما دريت إنك للقلب دار
وإنك يا ملاكي شمس النهار
من ضحكتك الزهر دوم يفتح
وطير السما بالفرح يسرح
إضحك علك ما تشوف الباس
إنت منيتي وأعز الناس
مابين الخلايق مافي أحد مثلك
غالي ياللي القمر يشبهلك
بعدك يا غلاي الماي بلا لزوم
ما عاد يرويني و أموت محروم
ضحكك يحييني ويداوي جراحي
إضحك يا هناي و كثر أفراحي
صائغ القوافي الشاعر
فهد بن عبدالله الصويغ
9-12-2015