(((( مهما حكيت ))))
ما راح تصدق لو قلتلك
إني عايش بس عشانك
مهما حكيت و وصفتلك
صعب تعرف وين مكانك
قلبي يدق بس بمحبتك
والوان دنيتي الوانك
ساعتي لحظة ضحكتك
ينحسب عمري بزمانك
لو غابت عني بسمتك
تنطفي الشمس لشانك
ما راح تصدق لو قلتلك
إني عاشق كيانك
عاشق و قوفك و نظرتك
وأذوب بلحظة جنانك
ليه تجرحني بغربتك
و قلبي كان سلطانك
اليوم فهمت كلمتك
غلطه غلطها حصانك
تبي تغير قصتك
وتغير اليوم عنوانك
كلمة الحب خانتك
إستعجل بيها لسانك
جاي اليوم تعدل غلطتك
قبل لا يفوت أوانك
لا تعتذر ولو إني ضحيتك
ما بقى غير نسيانك
صائغ القوافي الشاعر
فهد بن عبدالله الصويغ
17-12-2015