(((( سنين مرت ))))
سنين مرت و أنا ناطر هواك
أيامي عدت و القلب ماسلاك
من غبت عني و أنا مجروح
تايه من غربتك و أنا مدبوح
ما حلالي نوم إسئل نجمتي
إسئل القمر يحكيلك قصتي
دمع عيني إشتكى مني
وهم الكون صار ملازمني
من غيابك و عمري مفقود
كل من شافني قال محسود
ما دروا ويش فيني معذبني
ما دروا من عيونك حارمني
كنت أتمنى تكون معي اليوم
تشوف إشلون صابتني الهموم
يمكن تغير مصيرك وياي
وتحس بعذابي و كثرة شقاي
لكن حسافة غربتك واخذاك
ونستك إشلون القلب يهواك
أتذكر كل لحظاتك بالثواني
كل لحظة كنت فيها تلقاني
ما نسيت أبد علي لهفتك
ولا نسيت بسمتك و ضحكتك
عايش معاي كأنك بجمبي
لكن حسافة دوم مستخبي
ودي أشوفك و أمتع ناظري
إنكسر قلبي و إنجرح خاطري
ليتك معي تحيي لي أيامي
تطبطب علي و تخفف الأمي
صائغ القوافي الشاعر
فهد بن عبدالله الصويغ
17-12-2015