(((( عُّمر البدر ))))
عُّمره البدر ما يضعف يوم نوره
و لا الحبيب يقدر يخفي شعوره
أبد و عُّمره النهار ما يكون ليل
ولا يذوق عاشق طعم الويل
قدر و مكتوب عل كل عاشق
يعوم ببحر الغرام ما يقدر يفارق
صعب تحب و تتجاهل محبوبك
صعب تطب و تلبس غير توبك
من تغير حبه ما حب بيوم
الحب أعمى ولو بالفراق يدوم
كذاب من حب و قالك نسيته
الحب الصحيح نعرف صيته
مقدر أنا على بعدك لو ساعة
لو الف عام النفس لك خضاعة
أحبك يا سنين العمر بكل مافيك
ولو أبيع عمري مقدر أنا أوفيك
إنت للروح العطر و نسيم أيامي
إنت للعين النظر و كل أحلامي
من حبك نسيت أهلي و ناسي
ومن غرامك زاد شوقي و إحساسي
أحبك وأشهد إني أحب خصالك
كل ما فيك و أفتخر بلحظة و صالك
قسم إن نجوم السما تغار منك
وقمر الدجى دوم يسئلني عنك
أحبك و تخبرين حبي ماهو بكلام
ياللي رموش جفنك تجرح كالحسام
من هويتك و تغيرت كل أحوالي
ربي عطاني و حقق كل أمالي
ما يبع الوفي إلا الخسيس الناكر
وأنا يا ملاكي بعمري و روحي شاكر
قدرك على راسي و محبتك إحترام
عشقك حقيقي و عُّمره ما كان أوهام
أحبك و الحب عندي عهد أصونه
ومن حب مثلك ما يقدر يوم يخونه
صائغ القوافي الشاعر
فهد بن عبدالله الصويغ
25-12-2015